Marvel-ის სტუდია აქტიურად ემზადება "ვიჟენის" სერიალის გადაღებისთვის. ბოლო თვეში გავიგეთ, რომ კევინ ფაიგის გუნდი აპირებს ეკრანებზე ალტრონის დაბრუნებას და ასევე წარმოგვიდგენს ახალ, ჯერჯერობით უსახელო ანტაგონისტს, რომელსაც ტერრი მატალასი განასახიერებს. დღეს კი ინტერნეტში გავრცელდა ხმა, რომ სერიალში სტარკების ერთგულ დამხმარეებსაც მოეძებნება ადგილი.

ინსაიდერებმა მიიღეს ინფორმაცია, რომ ჯეიმს დ’არსი და კერი კონდონი მონაწილეობას მიიღებენ "ვიჟენში". დ’არსი კვლავ ითამაშებს ედვინ ჯარვისის როლს, რომელიც გოვარდ სტარკის მსახური იყო და მნიშვნელოვანი როლი ითამაშა "აგენტი კარტერი"-ს სერიალში, ასევე მცირე მონაწილეობა მიიღო ბლოკბასტერში "შურისმაძიებლები: დასასრული". სწორედ ედვინის სახელის მიხედვით შეიქმნა ხელოვნური ინტელექტის სისტემა J.A.R.V.I.S. კერი კონდონი, რომელიც 2015 წლიდან ახმოვანებდა ტონი სტარკის ვირტუალურ დამხმარეს, F.R.I.D.A.Y.-ს, სავარაუდოდ, "ვიჟენში" ტიტულოვანი გმირის მსგავსად, მიიღებს საკუთარ სხეულს.

ამ ეტაპზე Marvel-ს არ გაუკეთებია კომენტარი ამ ჭორებზე. ვიმედოვნებთ, რომ კომპანია მალე დაადასტურებს ან უარყოფს ამ ინფორმაციას.